بسم الله الرحمن الرحيم..
السلام عليكم ورحمه الله وبركاته
اهدي الى موقع العراق انبار اجمل القصائد التي اتسمت بحق الشهداء وهذه القصائدمن تاليف الشاعر (مالك الحزين .من محافضه التاميم.قضاء الحويجه)وقد قال هذه القصائد بحق شهداء مدينته التي طالت اليهم رصاصات العدو وهم في مجابهتهم وهؤلاء الشهداء هم من الحويجه من قريه (بريمه)نسال الله ان تنال رضاكم ورضا المشاهدين والمتابعين لموقع الضلوعيه..
القصيده بعنوان(ميلو بينه)وهي قصيده شعبيه
ميلو بينه..يلي شلتو النعش بالله ميلو بينه
ميلو بينه نودع اهلنه
وعادة اليرحل يودع اهله ومن صورهم يمله عينه
ميلو بينه الشوك هزنه الحضن امنه ذيج الحبيبه الحزينه
كلمه منهه وكلمه منه حيل مشتاكين واشتاكة حجينه
ميلو بينه العند امنه
بس نوادعها بحجينه
ميلو بينه وشدعواكم ولو نضره ..ولو لمسه
انحني بيهه اجفوف ايدينه
وانتواهب اخاف زعلانه علينه
البيت اهلنه نودع ايامه وسنينه
ميلو بينه الفرع اهلنه
حيل مشتاك لمشينه
ميلو بينه لحي حبيبتنه الحزينه
بلجي لو شفناهه مره ارواحنه ترجع علينه
ميلو بينه وعلى بريمه..(بريمه القريه التي يسكنها الشهداء وهناك استشهدو)
هناك يمنه اعتاب يمهه
هناك يايمه ارتمينه
هناك زلهه الماحمانه وخان بينه(زلهه مفردتها زل ...وهو نبات ينمو في المستنقعات المائيه وكان الشهداء مختبئين فيه
هناك صار فراك يمه
هناك ضيعنه خوينه
وينو اشو مابينلنه
وينو اشو مامر علينه
مودع ودرب السلامه
وبس اخاف الذيب يوكع بيد شاة ايضل رهينه
ميلو بينه
واخاف يخلص ها لنهار وهذي اخر ليله هينه
ميلو بينهوعالجسروكفونه لحضه
جنه هين ازغارنلعب ياحضنه طينه
ميلو بينه وفررونه بهالحويجه
وعالمنازل دار دار
وكولو لتراب الحويجه ايون علينه
واحجو قصتنه الولدكم
واحجو حضكم
وكولو للاجيال ماخنه وفينه
وكولو للاجيال ماخنه وفينه
