وصفينـــــــــــــــــــــــــــــــا
وصفينا ايدنا ويه الكاع حتى الكاع ملت من خطاوينا
وصفينا بلا امل وياك حتى الامل شال يوم الي سمع بينا
وصفينا الايد تلوي الايد بعد ما حار الوكت شلون يلوينا
وصفت مدنا كبور ظلمة شوكت ما جيت لابسين السواد تلكينا
وصفينا الدم للرجاب يسيل بس نكتل بعض متكلي شبينا
وصفينا نكول لليموت اروح اخلص من شرنا ومن بلاوينا
وصفينا من الغروب انام بعد ما جانت سهر كل ليالينا
وصفينا نعيد بالتاريخ ولعصر الجاهلية اليوم ردينا
ولاجن اول حضارة صــــــــــــــــــــارت عل الكاع
ولاجن اول مسنه احنـــــــــــــــــــــــــــا سنينا
ولاجن حكمنا الدنيا من بغــــــــــــــــــــــــــداد
ولا جن المنايا تخاف لو سمعت بطارينــــــا
وصفينا بالتفك متحزمين بس نكتل بعض والموت حادينا
وصفينا نكصر الثياب ونطول اللحاية وبأسم الدين صارت تطلع كل فتاوينا
وصفينا عل الهوية نذبح الجيران ولاجن سنين حلوة وياه كضينا
وصفينا نبوك من الليالي مسامر الخلان ونكطع وصل حبهم من شرايينه
صفينا لا حاضر جديد ولا ماضي قديم الي يواسينا
نهاجر برة نكول بلكي يهدا البال ونحقق كل امانينا
لكن من نفرح غفل نبجي بدمع مهضوم لان فرحتنا تغص بكل مأسينا
لان فرحتنا تغص بكل مأسينا
