طالب وعايف دروسي ...واقرا اشعار وجرايد
عاشك ابنية بقسمنة ....وكلبي بس الهة رايد
هيه حلوة هواية حلوة ..واني عمي شلون واحد
بالفرن ناسيني أهلي ...وحتى لون عيوني جارد
حاولت الفت نظرهة ..بكل وسيلة وماكو فايد
غيرت لبسي ومشيتي ...وفكري بالمودات شارد
وجللت شعري وصبغتة ...والبست حتى كلايد
كعدتني على الحديدة ...لاء بعت حتى الحدايد
لا تكلي ولا اكلك ...بهدلتني والله شاهد
هيه تدري بس خبيثة ...مثولة والدلال بارد
واني نار بنص دليلي ..خاف اصارحهة وتعاند
مرة اكول احجي وياها ..مرة اكول خليني راكد
وين جانتلي يربي ...مو جنت متونس وكاعد
قررت لازم ابوح بحبي الها وما احايد
بوري ما بوري خلي احجي ..قابل مصارح مجاهد
جيت واتقربت يمهة ...جسمي يرجف وحيلي بايد
والظغط يمي اتخربط ...مرة نازل ومرة صاعد
كمت اتمتم كمت اعتعت ..كمت احس باللساني جامد
ردت افلت مترهم ..كالت تفضل شرايد
كلت عفواً من رخصتج ..بلكي عندج قلم زايد
