السلام عليكم حبايب
طبعا هاي المره اريد اني شويه اسولفلكم على شغلات هيه بصراحه تخص الطبيب بس اذا تعرفوها ترتاحون لان راح تبدون تعرفون شديصير من نوع الالم الي دتحسون بي -- وبل مناسبه ترا اني الي ذكرني بهذا الموضوع هوه تعليق طيب على احد مواضيع طب الاسنان الي نزلتها اني-- ولهذا لازم اشكر طيب على هذا الشي-
شوفو يا ورود -- الالم مثل متعرفون انواع يعني هم من ناحيه الم قوي او ضعيف او من ناحيه وقت الالم او من ناحيه يكون مستمر او متقطع وهكذا
السن مثل متعرفون مكون من ثلاث طبقات الاولى وهيه المينا والثانيه وهيه الدنتين وهيه طبقه تسمى بل خشبيه والثالثه وهيه لب السن او مايسمى عصب السن وهيه في الحقيقه ليست فقط عصب وانما تحتوي على شريان ووريد وعصب--
اذا بداء النخر يبدا طبعا في الميناوهيه اصعب طبقه على البكتريا لانها اقوى نسيج بل جسم كما تعلمون-- وبعدها تبدا البكتريا بنخر السن من الداخل في طبقه الدنتين لانها اسهل للنخر ولهذا نرى ان السن يكون فيه حفره او نخر بسيط من الخارج يعني من المينا وفي الداخل يكون النخر اكبر لان البكتريا من المينا تعمل مدخل للسن فقط وبل داخل تبداء بل نخر اكثر--
وطبعا انتو تلعبون طوبه بطبيب الاسنان من تخلون لسانكم بل حفره وتشوفون صارت جبيره راسا بكلبكم تكولون هذا شبي والله جان بي حفره كلش صغيره شكبرها سواها يا الله-- عرفتو هسه ليش ؟؟لان طبيب الاسنان لازم ينظف السن بصوره كامله من الداخل وطبعا التسوس اكثر شي من الداخل يكون ولهذا تكون الحفره كبيره نوعما!!
1-اذا كان التسوس فقط في طبقه المينا في اكثر الاحيالن لا يسبب الم ولا يحتاج حشوه لان المينا قليله التحسس-
2-اذا كان التسوس قد وصل الى طبقه الدنتين الخشبيه والتي تحتوي على نبيبات يعني انابيب صغيره تربط بين المينا من جهه وبين لب السن الاكثر تحسس من جهه اخرى وعند وصول التسوس اليها يعني تتعرض للمحيط الخرجي للفم يعني عندما ياتي هواء او ماء بارد او ماء مالح مثلا او اي ماده تحتوي سكريات يصير الم ليش؟؟؟لان هذه النبيبات تحتوي سائل وفي نهايه كل واحد منها يوجد عصب صغير يتصل بلب السن وعندما ياتي الماء البارد تنتقل البروده الى نهايه العصب وتسبب الم-- او الهواء يسبب جفاف طبعا في السائل الموجود في النبيبات ويسبب الم -- او المالح او السكريات تسبب سحب الماء من داخل النبيبات وتسسب الم -- لان كما تعلمون الملح والشكر من يجي يمها شسوي؟ تمصا للمي مو صح؟؟وهذا كله عندما يكون التسوس او البكتريا واصله الطبقه الوسطى--يعني الم المالح والحلو والبارد والهواء يعني مثلا عند سحي هواء بسرعه من الفم؟؟
اوكي ليهسه شباب؟؟ خوما دختو ؟؟ ترا سهله والله بس ركزو تشوفوها حيل سهله
3-هسه اذا التسوس واصلللب يعني للعصب اول شي الالم يكون قوي حيللللللل وثانيا بليل وثالثا ينبض ورابعا يزيد من نريد نتمدد او انام -- هسه نشوف ليش؟؟
لان من تجي البكتريا عل عصب شسوي تسوي تفسخ بل عصب وطبعا التفسخ بي عده انواع بس عصب السن يصير بي تفسخ غازي ومن اسمه يعني تكون فقاعات غازيه تتكون داخل تجويف العصب يعني بنص السن--ولهذا من يجي شي حار يصير الم ليش لان الحار شيسوي |؟ يسوي تمدد باي نسيج يجي عليه ومن يصيرؤ تمدد بل فقاعات بداخل السن شتريد تريد مجال اكثر يعني تحتاج حيز اكبر من الحيز الي هيه كاعده بي وتكوم تولد ضغط على الانسجه المحيطه ويصير الم -- هاي شوكت هاي بل حار
هسه بلليل او من نريد نتمدد ليش؟لان بليل يهدا الجسم ويبدي الدم وين يروح يروح للدماغ بشكل كافي يعني وخاصه اذا تمددنا يجي الدم طبعا للدماغ بعد اكثر وبهذا الشي شيصير يزيد ضغط الدم بل اسنان وهم يصير نفس الالم الناتج من الضغط على منطقه الالتهاب من قبل الدم المتمركز في منطقه الاسنان
وطبعا بعد كومه اكو حجي بس هم تعبت من الكتابه وهم ماريد ادخل وياكم بل تفاصيل وادوخكم --
بس رجاء اعذروني اذا اكو اغلاط بل كتابه لان مرجعت قريتها-- وثانيا اني اتقصدت حجيت بل فصحى والعاميه حتى يكون شرح الموضوع اسهل عليكم -- وياريت اكون وصلت الفكره بشكل صحيح
واي احد عنده اي سؤال او اي شي مكدر يعرفه انشاء الله اني اوضحله
اخوكم
دكتور احمد
