رغم العوز هد ابنك وعانه
لحملك نهض ابنك وعانه
جفوف الكلت نكرت وعانه
لايغرك لمع معدنهم ودرهم
خيرهم حمل بركت ودرهم
وصارت فلس قيمتهم ودرهم
ولو درهم جثير اعله خيرهم وعانه
بشفايف حبيبي عسل ماورد نحله
وعيونه وسيعه من الوسع نحله
عمي مو حلوين وبملكاك نحله
شهد يا ناس ماينوصف شهده
اهده تصيح الناس شهده
ما نمت عليه اليل شهده
مساهر وعيوني من السهر نحله
يا صاح اني اوصيك باخلاق المكارم جلب
فكر بيها وتصير لكسور المنايب جلب
الناس ماهم سوه بيهم شريف وجلب
وبيهم تحسبه وتنسبه وللنسب ينساب
وبيهم شبيه الافاعي لو لدغ ينساب
لو سبك النذل تره ما عنده عرض ينساب
ولو عظك الجلب كولي هم تعظ الجلب
دار الملوك اظلمت عكب الضيا بسروج
والدمع من ناظري سال وجرى بسروج
والخيل لمن ترادت واظعنت بسروج
الكدش اصبح لهم عزم وشديد وباس
والزين دنك على ايد الزلم وباس
والزين لو عاشر انذال الوكت مو باس
من قلة الخيل شدوا على الجلاب سروج
هامات كبل بعلو وكت السقوط اسقطت
واخلاق بعض الربع مدري شبلاها اسقطت
ياريت ام النذل باول حملها اسقطت
من جان قطعه لحم ومن الشهور اربعه
وياحيف باع الوطن باوراق ميه اربعه
خلي الجرح بالقلب تاريخ تسعه اربعه
حتى الطفل بجه على بغداد يوم اسقطت
مليت ما عاد عندي يا رفاقه صبر
صابر على المر واجرع فوق صبري صبر
جم دوب أسعى واجد، أثمار زرعي صبر
وسيوف الأفكار تجزر بالحشاشه جزر
أحسب وافكر واخاف إيصير عندي جزر
مادام الأيام عد الناس مد أو جزر
أصبر على المر عل ما أشوف حلو الصبر
عن حالتي لا تسل يا صاح ملوني
وبنار هجر الغضا ذولاك ملوني
تايب على حبهم ما يوم ملوني
تم القلب مبتلي وحيران وياهم
وبفراقهم مهجتي واعضاي وياهم
ذاك التعب والسهر ما فاد وياهم
لمَّن حجيت الصدق يا ناس ملوني
دنياك ملها وفه غدّاره بالصاحب
بايّام سعدي إلي كل الخلك صاحب
لمَّن جفاني الوكت ما ظل إلي صاحب
لا تصاحب اللاش خلّه ينجلع ويروح
وصاحب الزين ما عزت عليه الروح
دار المعزة عذب قبل المذله ايروح
ويمته يدور الفلك وانعاتب الصاحب
رد عني مايك عكر وحدر على الصافي
رد عني حيف الجفا وخليك متصافي
اني ادور الوفا واحكم بالانصاف
ليش الظلم كتبتي وليش الهجر واصلي
زيد بعذابي ولك خذ اللحم وصلي
واترك عظامي عسى بيها لكم اوصلي
ماريد منك رحم بس ارجاك انصافي
يا سايم الود هل من بالموده باع
هذاك وطرٍ ولا لك عندهم من باع
ان كان شبراك يا نسل الاكارم باع
تطول يمناك واللي تطلبه حاصل
كم من ملوك فنوا ما خلفوا حاصل
ما هو مقدر نشوفه بالعمر حاصل
واهل الوفا باعهم فوق العلامة باع
مرن علي الضحى وبشرعهن خطاف
والريح ريح الصبا وطيورهن خطاف
ياما بليالي الهوى ابحرت انا خطاف
والموج زاخر ونسمات الرياح اولمن
يا خــــرًدات تمــادن بالضــمير اولمن
ناديت يا جبرتي ويا من معـاي اولمن
هالناشرات بشرع قالن ترى خطاف
ريـــم رأيـــته مـع الغــزلان يتلالا
وبوجنته شفت ماي الحسن يتلالا
خاطبتهـــا جــاوبت إيـــــاك تتلالا
وتمـر مـن صوبنا وعـن حينـا لا تعد
احـذر يشوفـون اهلي أو قريب وتعد
قلت الوصل يا غناتي قالت احذر تعد
ترى المواصل بعيد وقمت اتلالا
ريـــــــــم رأيتــه سـاهــي وارد للماي
يغسل قرونه على متنـه بوسـط الماي
قد هلت العين وهل مني الدمع بالماي
صوت له يا حمد من قذلته رايحه
خده كلون الورد تشتم منه رايحه
هبشت انا اليد وقالت خلني رايحه
خوفي من الواش يقطع جرتي بالماي
ياطير يللي فوق المنازل حـــدر وطاح
أنشدك عن خل من صوبكم مــر وطاح
من شافته عيني بين ضلوعي قلبي طاح
مضمر ومزيون بوجنته ذهب لاله
يلفح بالشعر وبسطور مبسمه لاله
قلت وين الوعد قالـت يا ولد لاله
ارحمي حالي قالت ما بيننا انهد وطاح
يا صاحب الجود من بعدك نهاري دام
موق المحاجر جرى بعد المدامع دام
اسهام جفواك تبني بالضماير دام
الروح لك عود حتى امفاصلي ما لك
لاقوت لي غير ذكرك والهوى مالك
القلب مزعوج من صد النبا مالك
لا صير يا قلب لا صاحب وفالك دام
