شلونك اخباركم هنا اكو جم طريقه تفيد الي ميعرف وهذا خاص للولد
هنا اكو كم طريقة سهله,
تبين انتم شلون تكدرون بدون اي مشكله تكبلون ويا بنيه اللي تريدونها.
طريقة المعدان :
تخلون فد عكروكه كولش جبيره بطريق البنيه اللي تحبونها
بحيث لما تشوفها تصرخ و يغمي عليها
بعدين انتم بسرعه تركضون يمها
اول شي تجيبون وياكم ابريك مي , حتى ترشون عليها و هي تكعد
بعدين تكتلون العكروكه كدامها و تكومون تباوعولها على اساس كاتلين فيل
بس البنيه راح تدنك راسها و خجلانه و تكول هجي شويه شويه شكرا
انتم هم عودك تخجلون و هاي مقدمة الحب و الزواج...
طبعا اذا البنيه ماخجلت و بدون ماتشكر راحت
تكدرون تمشون وراها حتى تندلون بيتها
اذا بعد ماكدرتو تسوون شي اتوكلو على الله اني بعد مالي شغل
لاتنسون خلو صحبانكم براس الشارع لان يمكن فرد مره اخوان البنيه ييجون
و بعد اذا اجو انشوفكم بذيج الدنيا.
طريقة النت:
هذه الطريقه كوولش مجربة و اخر موديل من الخطوبة.
لان تكدرون انتم لابسين دشداشة و دا تاكلون بيدكم تشريب تكبلون ويا البنيه
و حتى لو تنطون ريحة ثوم هم البنيه راح تقبل.
ثاني شي مايراد تشترون ورد لو هدية يعني كووووولش رخيصه و تفيد
بس بعض الاوقات لو تطلع البنيه كوولش جكمه
لو تطلع عدها لحية و عرجه
لو يطلع صديقكم جان , اللي ناصب عليكم.
يعني ييجي فد بوري لا على بال لا على الخاطر..
واحد لازم كولش ينتبه
بس طبعا لان بكل مكان دا يحذرون البنات من الصداقة من النت لازم هوايه تتمرنون بهاي الشغلة.
طريقة اللي نظارتهم جعب استكان و يدرسون هوايه:
هاي الطريقة من دور بيبتي و بعد محد يستعملها هوايه
بس يعني هم شويه يمكن تفيد
تروح تكول لل البنيه.. اني سامع عنج كولش دراستج زينه
و ممكن اخذ دفترج حتى اكتب نوت منه
و اذا انطتك اوكي و انشاءالله تنسعدون
بس احسن تاخذ بلاستر هم وياك لان ممكن تضرب بالكتاب على راسك
تكدر هم اذا انطتك الدفتر تكتب هجي كم جمله غزل
طبعا كولش خطيرة هاي الشغله و يمكن تروح بيها
بس اكو فد شغلة ...
اكثر بنات اللي يفكرن بالزواج دراستهن موزينه
فيعني ماتكدر هوايه تستفيد من هاي الطريقة
طريقة اللي شايلين خشمهم:
انت تحب فد بنيه بس تصرف وياها بشكل عبالك ماتحبها
دايما تكعد تفكر , هي هم اكيد تحبك و اذا هي تحبك لعد هي لازم تتقدم الك
دايما تتحذر منها و لما تشوفها تدور وجهك خاف هي من عيونك تعرف انك تحبها
بس ييجيلك يوم تشوف كول شعرك صاير ابيض لو يمكن هم صاير كرعه
و البنيه متزوجه و مخلفه كومه
و انت لسه منتظر البنيه هي تجيلك
طريقة اللي كووووولش متدينين:
اربعين ليلة تروح للمسجد و تنظف كدام باب المسجد
و تنذر 87 خروف و تختم القران و المفاتيح الجنان و كول الادعيه
و اذا كولش تريد تاخذ حاجتك تروح تدرس فقه
علمود تتزوج البنيه
لاتنسينا من الدعاء
طريقة كووولش اغنياء و مرتاحين:
مايراد تسوي شي بس اختار فد بنيه
طريقة الفنانين :
روح جوه شباك باب بيتهم و غنيلها ابو عوف و زهور حسين
و اخذ وياك جيتارهم
اذا ماتعرف جيتار اخذ كاسيت صغير و على اساس انت تدك
بس اذا ابوها من فوك لزمك و عدمك لاتلومني
طريقة كولش حبابين:
تعزم البنيه ب فد رستورنت و بطريقة كولش مؤدبه اللي الف مره متمرنها كدام المرايه
تكولها ان تحبها و تريد تخطبها
هي هم يمكن تكولك اني مخطوبه و انت تغني عادل عكله
حبيت وحده يا ناس
اثاري طلعت مخطوبه و تطلع من الرستورنت
مو تنسى تحسب فلوس الاكل.
طريقة الرومانسية:
انت تروح تصيد فد حيوان من الغابه و و بالرجعه تشوفها هي واكفه يم العين مال المى
و تريد تاخذ مي بالكاسه
بعدين تصير عينها بعينك و تخجلون ثنيناتكم
و هي تذب الكاسه و تكسرها و انت تركض وراها و تدوس على الكاسه و رجليك يطلعن دم
و هي ترجع و تخلي كطعه على رجلك
مو تنسى بهاي الطريقة لازم تمشي حافي حتى رجلك تطلع دم
طبعا هاي الطريقة اقدم و احسن طريقة بالتاريخ الزواج
و العلماء يكولون وحده من اسباب اللي بنات بعد ماكامن يزوجن
لان هسه اكو حنفيات و بعد ماكو بنيه تاخذ مي من العين
طريقة المطفيين:
تروح يمها توكف
و بصوت عالي تحجي ويه صديقك ان متعرف على بنيه ثانيه
و تحب ذيج البنيه و تريد تزوجها
و تحاول تخليها تغار عليك و تحبك اكثر
بس بعدين لازم تحسب الحساب الجدر اللي يجي فوك راسك
و بعد مراح تشوف البنيه
طريقة الخجولين :
لما تباوعلها هجي تكوم تصب عرك بكد فد جدر قيمه
تصير احمممر ماتباوع العيونها تلعب باصابعك
هي هم يمكن تضحك عليك
لو تهفي نفسها و تباوعلك
بعدين توديها لل سينما فد فلم هندي
تبجيها و تطلعون بره
و كول يوم تتصل بيها تسالها شنو تسوي هسه
و تخجل تكول كلمة زايده و تسد التليفون
و باليل تكوم تكتب الها اشعار حب
بعدين يوم ثاني هم توديها لل سينما فلم هندي
و هي تكولك ادري تريد تبجيني
اني هم راح اتركك و بعد مااجي
انت هم بس تبقى تباوعلها و تخجل تكولها لاتروح
بس هو جان صوجك اني شكو
اووه خطيه كولش انقهرت عليك
اريد كل عضو ايكلي يا هو احسن طريقة هو مجربها او تعجبه هاي الطريقة والي عنده غيرها خلي يكولها للاستفاده
