الوكت مانشف عيوني وشرهن
وطحت بالغاسق الواقب وشرهن
رهنت الروح لودادك وشرهن
بعد بس كاع كبري وموش اليه
كلبي باع كل الربع وشراك
بودادك وحده ماخان وشراك
شراواني الوكت من ضيم وشراك
يهون من اذكر انته احزام اليه
بعد مالي على دنياي عتبه وشرهه
نفع ماريد بس جفيان شرهه
اريد احجي بسالفتي واشرهه
واشوف اهل العكل شتلوم بيه
الوكت بيده لزم روحي وشرهه
بنص وادم ولانعرف وشرهه
بمزاد يريد بيعته وشرهه
شرتهه ومارضت جيفن ابيه
البجي خلص على دموعي وشلهن
وحرت شلون الملم جروحي واشلهن
اعوذا بالدحى خيبر واشالهن
يحفظك كل صباح وكل مسيه
اليالي كثر باطلهن وشرهن
وبعد مااعتب عليهن وشرهن
شبيعن لليداعيني وشرهن
البقن بالدار كلهن موش اليه
عليك الروح ملهوفه وشرهه
واترك نية التكره وشرهه
دمعتك طشهه بجفوفي وشرهه
لأن دارك دليلي وموش اليه
صفيت اصفك يمنه فوك يسرة ...
ودمع العين على الوجنات يسرة ...
وربي يكول بعد العسر يسرة ...
العسر شفته واليسر مامر عليه
بوسـط دلالي نامــي - وانتي ظلي
واذا حُبـــي ظلالــه - انتي ظلي
اشوفچ ؟ وين اشوفچ - وانتي ظلي
اذا جوه الضـــوّه تصيريــن بيه
عطـش گلّبـي بمحبتـك - ماي يتاني
وبعـد ما اظن ينطـرك - ما يتاني
تعــال وشوف حالـــي مآيتاني
بس الروح گــوّه مچلبـــه بيه
صرنه نجوم لكـن - مالمعنـه
والف يا وسفه بختك - مالَ معنه
زعلـك صـار ماصـخ- ماله معنه
اراضيـك وترد تزعــل عليـــــه
السانك لو تحبني .. شا طراني
وكـرهه الذي بحبك .. شاطراني
خذت مية بمحبتك .. شاطراني
اذن غصبن عليك اصير الية
الك مني رساله شوك نصن
يل منك اجبال الشام نصن
موحكه دليلي انجسم نصن
نص الكم والاخر للاذيه
وحق قيس وغرامه وحات ليله
البله الشوك ماظن نام ليله
حبيبي ارجوك ورد ارجوك ليله
اموت وتبتلي ابدمي خطيه
ياسباح كلبي من حشاكم
وعليه من العواذل من حشاكم
اسب ولعن وكولن من حشاكم
اعزاز ومن اسب ترجع عليه
جميل وصورك ربك من العين
اخاف أعليك من تطلع من العين
انه معذور يمعود من العن
ابوك الخلفك لناس اذيه
بعد مدري النزل ياهو من الشال
ابسباب هدمي انفتك ونشك من الشال
جديد الخام جنت البس من الشال
عكس دهري وسمل ماصح بديه
كلبي مافرح عكبك ولاسار
وجدمي ماخطى الغيرك ولاسار
اخبرك مابقت جمله ولاسار
فضحني الدمع من غصبن عليه
ألك حاجب شوصفنه ولك عين
ولك بسهام ترمين ولك عين
هود ولك بطل ولك عين
ولك مودوم تتمرجح عليه
جمالك بالكلب والروح طرفي
شعرك في جبينك نور طر في
احذرك لاتجي ودوس طرفي
اوج كلي وطرف مايبقه بيه
هاك اخذ الجروح وياك هارف
هادك الكلب بجفاك ها رف
مثل غزلت غنم وشوف هارف
شت ومشن كل وحده ابزويه
اتنخه اتريد اجيك اليوم بل حال
ونت اعرف حبيب الروح بل حال
اشمحله وياك ماتقتنع بل حال
ادليك الدرب وترد عليه
