لا تخجل
سولف كَول الك واهس تضل
وياي واذا ما الك واهس كول لا تخجل
ما اقبل احبك وانت ما مرتاح
وما ارتاح احبك وانت ما تقبل
اذا متشدني بيك وبيه اشدك حيل
انحل بالسهل من عندك وتنحل
بكيفك من اجيت وما جبرتك يوم
وما اجبرك بكيفك لو ردت ترحل
فكر باليهمك والمهم شتريد
انه كل اليهمني المهم لا تزعل
ما مليت منك اكدر ابقه وياك
بس المشكله خاف انه راح انمل
ميهمني الدرب صار امشي بيه اسنين
ما اندل جنت بس هسه كمت اندل
وما اكولن خساره الراح مني وياك
وي كلمن تحبه الروح ما تبخل
روحي الحبتك تتحمل بلياك
وما ينقص صبره بغيبتك يكمل
مجنونه نعم بس تدري روحي اشلون
تنجن بالعشك وبلا عشك تعقل
حبيتك صدك والوكت جذبه
هواي وبمعركته الدغش انه انزلت اعزل
وتعرفني ولو عندك شكوك هواي
وادري لك شكوكك جان عندك حل
من شفتك سنابل روحي اجت ترويك
ماي ولا تضن اتصيلك منجل
