هلو حشاشين و حشاشات
الاحياء منكم والاموات
راح احجيلكم سالفة صارت وياي البارحة مح تصدكوها
البارحة جنت دا امشي بل شارع جان اشوف عركة بس شنو جانت بس صياح بل بداية كلت اي اني شعلية راشدي منا دفرة منا تخلص السالفة بس شو بعدين صارت بوكسات وكلات و انكلبت الدنيا وصارت لمة وكل واحد جايب جماعته اني رحت دا افاككهم جان يجيني بوكس تايه ديسأل علة افران احمد للغسيل الجاف جان ادليه كلي رحم الله والديك وراح
بس ذولة الي ديتعاركون كلولي اته شعليك بينه جان يجيتون عليه فوك الميت واحد هذا الي انطيته راشدي وهذا الضربته جلاق وبوكس ومنا منا انلاصت عليهم هذا الي صارت بيه جلطة و الثاني شلل بل مفاصل جان اهناك وجويلك الشرطة و المغاوير والامريكان والحرس الوطني لا اكللكم ولا تكلولي طوقولكم الشارع مثل ميلتم النمل عل شكر اني مجان بيه حيل اتعارك وياهم خطية جان اني كمت اهمبل جان يطلعلي فيل يطير ركبت فوكاه وطرنا لهناك و احنة بسماء بغداد جان اسمع اطلاق صاروخ ارض جو جان يجي بالفيل خطية واني انشمرت من عنده بس همزين جنت لابس دشداشة فصارت برشوت و هبطت بسلام
واليوم جاني اتصال ديريدون يعينوني بالجيش الامريكة بفرقة الانزال لان انعجبو بل هبوط مالتي
وهاي هية بعد طلابة خل اروح كبل ميوكع السكف علينا من ورة الجذب هع هع هع
