آني بنية اسمي خنفسانة عمري 120 سنة و يصيحولي أم أربعة و أربعين لأن آني لحد الآن متزوجة 99 واحد أخير واحد بيهم مات بسبب هاون وكع علية سنة 5000000 قبل الميلاد لأن جانت بينه و بين الهاون عداوة من قبل ما تسقط باريس على أيد القوات العراقية بالصومال سنة 3000000 بعد الميلاد .
وهذولة ال99 واحد اللي اتزوجتهم كل واحد بيهم خلفت منه خمسين ولد وكلهم طلعوا خونة اللي راح سافر للمريخ واللي راح سافر للشمس واللي راح سافر لباب الشرجي واللي بقى كاعد وساكد خارج درب اللبانة واللي راح اشتغل بحديقة بيتهم و بعد ما شفت وجهة . عالعموم ..........
ها وبالمناسبة نسيت اكولكم فد شي ترة آني أشتغل بصالون حلاقة شعر الخشم و الأذن مال الرياجيل و جنت دائما بالمحل مال الحلاقة أحط يمي طاسة بيهة مي حار لأن شكلما يجيني واحد احلقله شعر خشمة ورة ما أخلص حلاقة خشمة ألكي المنقاش مليص بالمخاطين فآني هم شسوي رأسا بدون تعب اطمسه بالمي الحار حتى ينظف . بس ترة بالفترة الأخيرة كاموا محد يجي يحلق يمي لأن مرة واحد دا احلقلة أذنه فجانت اكو ذبانة تغوغي علية فمن هلكد ما ضوجتني جان اكو موس يمي على الميز فآني أخذت الموس وكشيت الذبانة بي و لني كاطمة أذن الرجال و من ذاك الوكت كاموا بعد محد يجي يحلق يمي .
آني عائلتي كلهم علستهم لأن جانوا محد يشتغل بالبيت بس آني و كل واحد بيهم علستة بطريقة شكل يعني مثلا أبوية حطيتله سم بالأكل و مات و امي شمرت بالبانيو اللي دة تغسل بي الواير مال المولدة مال المنطقة لأن جانت بوكتهة ماكو وطنية و انتلت وماتت و أخوية الجبير وكعت علية البنكة باليل وهو نايم ومات و اختي الجبيرة لبست قناع مال مهرج و اجيتهة باليل و هية نايمة بالفراش و فززتهة و كلتلهة
أجاك الموت يا تارك الصلاة هي هي هوهوهاها) ومن هبطتهة ماتت .
وطبعا آني نسيت اكولكم أهم شي وهو انه ورة ما علست أهلي كلهم حطيت المسدس أبو المي على راسي وضربت نفسي طلقة و متت و آني هسة دا أحجيلكم قصة حياتي من فوك .
