--------------------------------------------------------------------------------
السلام عليكم
يا معشر الانتم :
ابتداء من منطلق "لا تفتح باب الثلاجة, لان الضوى الي راح ينفتح يطيح الجوزة وتطك المحولة"
وانتهاءا اووووووو نسيت بعدين انتهاءا
اما بعد,
بسم الله الرحمن الرحيم
لقد اعلن ومن الان عن افتتاح "تنظيم التحشيش والجهاد في بلاد الرافدين" بقيادتي حشاش محدق" ولله الحمد
تحت شعار علاسك منك وبيك
فعلى الراغبين بالعلامة اووووووووووووووه فعلى الراغبين بالانضمام تقديم الدبليو سي مدري البي سي مدري شيسموهة عن طريق الرد
ها اذكرتها السي شي (السيرة الشخصية خخخخخخخخ)
وستوزع المناصب حسب الاسبقية في الرد (بيهة واسطات لا تخافون)
الشروط:
0- (تم التحرير) الاشتراك لكلا الجنسين والافضلية للاحشش.
1- يمنع اصطحاب الاطفال.
2-ان يكون المحشش حائز على شهادة التحشيشمينت ta7sheeshment tm
3- ان تكون خبرة المحشش لا تقل عن ( ---) (ستتم مداولة هذا الشرط بين اعضاء الحزب
4- مفقودة
5-سيقسم التنظيم الى قسمين :الاول, التحشيش (غنية عن التعريف وخالية من الكوليسترول)
الثاني :الجهاد , وستكون مهمته القيام بعمليات ضد اي تجمعات او احزاب من الجنس الاخر
يعني شغلتة علس ويطلع اشاعات على باقي الاحزاب وسيكون لكل فرع وزاراته ومديرياته
5- يسمح بالتدخين وشرب الكحول داخل مقرات الاجتماع
6- ممنوع واحد يجيب صاحبته للمقر الا اذا استوجب الامر( يعني هاربة من المدرسة بيهه مجال) وذلك بموافقة اعضاء التحشيش
7-كل اعضاء الحركة او الحزب لازم يوميه تشجب وتستنكر وتدين حتى لو ماكو شي لازم يستنكرون لحفلة تنكريه موعدها يوم الاربعاء على قاعة (العب العب العب رووح) بس مو تروح
8- الكل للواحد والواحد للثنين والثنين للثلاثاء والاربعاء ...الخ
9- يمنع منعا باتا اثارة الفتن بين الاعضاء ويدعوكم ابو محمد لحضور حفل زفاف ولده جاسب وبحضوركم ستتم البهجة والسرور,
10- لا يوجد زعيم للحزب فكما ورد في الفقرة القطنية ان هناك دسكات لدى المريض وسوفان في الفقرة العجزية.
11-يمنع منعا باتا التدخل في اي مسألة سياسية او دينية تثير النعرة (اموت لو افتهم شنو معناها) الطائفية في صفوف التنظيم.
12- ستتم العمليات والاتصويت والانتخاب مباشر مباشر مباشر نعم مباشر مو باشر ليش مستعجلين
13-ستتم تحديث القونانين اول باول وثاني بثاني وثالث بيت عليسرة بيت ام عبير الخياطة يعني ناخذ بالتي هي احسن
ادارة التنظيم غير مسؤلة عن اي منتسب لا يفهم الشروط المعلنة اعلاه على ايدك البنص لان هي نفسهة ما تعرف شكتبت فعلى الراغبين بدخول المناقصة دفع مبالغ الشروط الجزائية وله الاجر والثواب
الاعلان عن الرتب:
1- امير التنظيم:اعلى رتبة
2- الجهاد وتنقسم الى:
1-وزير الدفاع والشؤون التكنوقراطية وتوريد علج البستج
2-قائد قوات علج ابو السهم
3-كتائب علح بوبي لركص الجوبي
4-وزارة نو كيكي لصناعة الصمون الاوتوماتيكي
5-مديرية التدخل السريع كلش بحيث التحميل ما يطول دقيقتين
6- مديرية حماية الشخصيات وابن السبيل والفقراء والمساكين
7-مصنع الهلس والنتف لصناعة جوبلس قطار.
3-التحشيش وتنقسم الى:
1-وزارة الكهرباء لصناعة الامبير المحدودة جدا
2-وزارة الماء للمجاري
3-وزارة التحشيش الناصي حتى تعبر من فوكا
4-وزارة الطنب والنكر وخمط الصوال الزينة
5-وزارة العلاقات العامة والخاصة والتكبيل(البي زود يطلع نقش)
6-وزارة التجارة والتقفيص
7-وزارة التصميم العسكري
8-مديرية تنسيق العلاقات (تحت شعار انت تنسق واني متمزق)
9-و سيتم تحديث الموضوع فور ورود القرارات من الاجتماع السري لامراء التنظيم في الطاولة المستديرة
(كل من يريد الانتساب يختار احدى الرتب المعلنة ولا يكتفي بتسجيل الاسم,العدد محدود وخارج نطاق الخدمة)....
للمزيد من المعلومات يرجى الاتصال على الرقم 130 (لعيون العراق فتح عيونك)
اخوكم حشاش محدق للسماء
والله ولي التوفيق
وهذا الباج مالاتي واي واحد يريد باج ينطيني معلومات عنة اسمه والجنس واني انطيه المنصب
