ياجماعه تعااالووا كل واحد يشوف برجه

أنواع الأبراج
الأبراج مقسمة إلي 4 أنواع وهي :

الأبراج النارية وهي : الحمل (( الصخل)), الأسد (( الحنفيش )), القوس (( البوري))
· ميزات مشتركة : محشش, ويصفن هواية , خشمة جبير , راسة جبير , عاطفة منغولية , ما يصدك بابو , عشق للحرية(( دايح)) , سبع ويسوي مشاكل هواية ((اخو أخيتة )), اهبل .

· سلبيات مشتركة : ابو فخري , غطرسة(( ابو هاشم)) , خشمة هواية طويل , تبذير(( تلاف اكشر )) , حساسية (( بي جرب )) , عدائية (( ابو ميعرفة )) , عصبية ( ثري فيز ), حدة ( خبل),

الأبراج الترابية وهي : الثور(( الهايشة)) , العذراء (( ام خشم اليابس)) , الجدي (( الحجي ابو ابوية لو ابو امي ))
· ميزات مشتركة : أسلوب مميز (( لوكي)) , تركيز (( محمض دائماً )), واقعية(كنش كنش كنش واقعي ) , صلابة( فحل توث ) , تركيز علي الهدف ( مثل زيدان ) , مجابهة ( خادم عشكرية هواية ) , نشاط ( يكعد من الستة الصبح ويلعب دعابل ), توفير(( عصي كلش وبطنة خايسة من الفلافل ) , عناد (ابو طنكورة ) , صبر( مثل ابو صابر ) , توازن (( مخلي حصو بجيبة )), ثبات ( مو يلعب حديد ), هدوء في التفكير( بارد ابرد من ثلج مصري ) , وضوح (( تكول شاشة سامسونك )).

· سلبيات مشتركة : حب المادة (( يبيع امة وابو على الفلوس )) , استبداد (( متأثر بكاظم الساهر )) , تصلب في الرأي (( من يكول ني يعني ني )) .

الأبراج الهوائية وهي : الجوزاء((حب جكاير علج )) , الميزان ((ابو تريشة)), الدلو((شربة مال مي))
· ميزات مشتركة : حب الاطلاع((حاشر خشمة بكل شي)) , ثقافة((مثنقف مثنقف الى شكد ما تصورون)) , سرعة بديهة ((يلكفها هي وطايرة)), مثالية ((مثال الالوسي حضرتة)), ديناميكية ((اخاف متقبل)), انفتاح في العلاقات((ابو درب)) , حب الكلام ((لغوي)), سرعة في القرار((عباس المستعجل)) , حب المناقشة والجدال((الاتجاة المعاكس صاير براسي)) , دهاء ((خبيث)), مرح ((اربعه وعشرين ساعه فاتح حلكة)) .

· سلبيات مشتركة : ثرثرة ((من يحجي ميسكت الا من تطفا الكهرباء)) , قلق ((يمشي ويتلفت)), عصبية((ابو طنكورة)) , قلة تركيز((لازم ممترك زين)) , لا مبالاة ((ما يدري الدنيا طشت لو رشت)) , , فضولية ((يحب يعرف كلشي)), حشرية ((يحشر خشمة بدون سابق انذار)), حب الظهور ((لازم اربعه وعشرين ساعه اون لاين )) .

الأبراج المائية وهي : السرطان((ابو الكرصة)) , العقرب((ابو اللدغه)) , الحوت ((الحرش وكل انواع السمج))

· ميزات مشتركة : عاطفة ((الحنية تكطر من كل مكان)), هدوء ((من يحجي ابد مينسمع)), تضحية ((متاثر بكارتون كليندايزر)) , حب المساعدة ((ما يخلي فقير ما يخمطة)) , رومانسية ((لازم يتابع جنل تو )) , وفاء ((شنو بس لا وفاء عامر الممثلة المصرية)) , إخلاص((تزوجت وراحت لدار سبيلها)) , إنسانية ((شنو بس لا قوات تحرير مثل امريكا)) , رقة ((ايباة تكول هيفاء وهبي )) , حنان ((مثل حنان ترك عنده حنية تكول حضن والده)), إثارة ((تكول احمد السقا بفلم المافيا)) , تدفق ((تكول بوري مكسور)) , دلال ((حبيب امك متقبل من احاجيك تحياتي لسعدي الحلي)) , التزام(( من يواعدك با السبعه الصبح يوصلك با الستة العصر يكولك اجيتك قبل ساعه من الموعد كلش مضبوط )).

· سلبيات مشتركة : حساسية زائدة ((مو كلك الدكتور لتاكل بيض بية فلونزا الطيور)). كسل ((اربعه وعشرين ساعه سايق مخده)) , مزاجية (ابو مزاج حضرتة مزاجه خنفشاري)), تسرع ((شاد محرك مال واوي)) , مبالغة في الدلال ((مو كلنا حبيب امة)) , بعد عن الواقعية ((اي هذا سالفة الفلم الهندي لكة طفلة على الرصيف رباها وكبرها طلعت امة )), استسلام ((لازم مو با المقاومة ))

يلله اخوانة المحششين والمحششات هسة كل واحد يذكرنة برجه التحشيشي اني برجي العقرب ههههههههه :arrow: :arrow: :arrow:
_________________
ـــــــــــــــــــــــــــــــــــــــــــــــــــــــــــــــــــــــ

ياجماعه تعااالووا كل واحد يشوف برجه E3f072c979

ـــــــــــــــــــــــــــــــــــــــــــــــــــــــــــــــــــــ

:x :x اني الميزان ابو التريشه شنو ابو تريشه بعينك هههههههههههههههههه
بس خوش تحشيش lol!

ياجماعه تعااالووا كل واحد يشوف برجه Shaymaa02

هههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
هههههههههههههههههههههههههههههههههههه
ههههههههههههههههههههههههههه
بربي حشاشة

طبعآ كاعد اتعبكم ويايه حييل شكرآ على الردود الحلوووووووة flower