حديقه ولاشغل عندي ...وراتب
واشد بتيب انه جروحي...وراتب
اصفط هموم اللبكلبي...وراتب
تلاحكني ولك طاحن عليه
ــــــــــــــــــــــــــــــــــــــــــــــــــ ــــ
بعد ماعندي شي احجيه...وضيفه
ولا مثل الخلك عندي ...وضيفه
صفت روحي نهر جاري ...وضيفه
يطكني الروج حيل وعمل بيه
ــــــــــــــــــــــــــــــــــــــــــــــــــ ـ
تجليبــــــــــــه اكول بيهه
اجلبنك ياليلي اثنعش تجليبه
وتعييني صعب مو سهل ترتيبه
شنو قيمة بشر من غير تعين
صدك وداعتك مايسوه فلسين
يضل يكضي حياته دين في دين
وحسره اعله الفلس ما يدخل ابجيبه
اجلبنك ياليلي اثنعش تجليبه
ــــــــــــــــــــــــــــــــــــــــــــــــــ ــــــــ
ومضه للضحك فقط لاتاخذ غير نظره علي
جيبيي من الزغر عركه ويه الفلوس
وما بات الفلس ابجيبي ليله
ياهو الكال الدنيه وصخهه افلوس
خي ايذب الوصخ حتى انه اشيله
ــــــــــــــــــــــــــــــــــــــــــــــــــ ـــــــــــ
تخرجنه ونجحنه بزودنه اليوم
وكضيناهه الدراسه اعوام وسنين
وجبناهه تعب يوم بأثر يوم
ومن كثر الدراسه راحت العين
تخرجنه نعم بس بعد مطلوب
هل بعد التخرج اكو تعيين...؟؟
