يا بوش صحصح.. تره موش إحنه النقبّل الذلـّه
إحنه شعب واحد.. وحبل الوصل باقي وما نفلّه
متحزمين فد إحزام. . ونحط بيك ألف عِلــّه
ومن ينجرح شيعي يخايب.. سنّي اليضمده وما يمله
والشيعي يهب يا بوش،
وبسبّاح كَلبه يخيّط الجرح للسني ويشلّه
ولتصدّك يشمت إبن تكريت لو حركَوالحله
ويظل الجبل بربيل شامخ.. والهور وكَصب ظِله
شعب صاح أبفرد صوت.. هيهات منّا الذله
****
لازم تاخذ درس من (عثمان) إبعملة جسر الأيمـّه
يوم إنتخه..
وذب روحه إبوسط دجله من أجل الخوّه واللّمه
وهيهات إيكّول شيعة ذول.. مادام إعراكَي الهَوه الشَمّه
نقذ تسع أرواح شيعية.. وصار الشعب كل الشعب أمــّه
يا بوش..
عدنه طبع.. إنْرضّع بالحليب الشرف والغيرة والهمـّه
لتقيس الشعب من زمره إرتضت ِذلـّك.. وسْكَتَتْ بالمنطقه الخضره
ولو تفهم بالمضايف..
جان كَتلك.. من يطفه أوجاغ المضيف حتما تظل جمره
ومن تغيب الشمس
يابوش.. حتما تظل حُمره
خلّك تعاند خلّك تكابر.. وخلّك تسمع حجي الزمره
تنور تسواهن شعل ناره.. وبانت تره الكَمره
وفاض العجين وشبع يا بوش.. بالخُمره
وجه وكت الخُبز يابوش.. وشوف إسواعد السمره
****
يا بوش...
حسبالك شعب تافه وتعبّر أفلامك على الناس؟
عدنه الطفل يفهم بالعلوم.. وبالذرّه وخِبرة الماس
وعدنه المراجل بالوراثة.. وعدنه الشرف ما ينداس
وعدنه الوطن كلشي .. والشعب تاج إيصير فوك الراس
نتنومس بالشجاع.. وصاحب الغيرة المايطخ راس
وعار عدنه العمالة.. ومن الخيانة عدنه مرض وسواس
ونكره الغاصب والمعتدي .. خصوصا لو جاي من تكساس
****
لا تتعب يبوش..
تتعايش مستحيل إعلوجك وي أهل غماس
ومستحيل اليشرب إشنيّنه.. يكَلك ــ جيرز*ــ ويرفع الكاس
ومستحيل إتميّع شعب مفطوم عالبارود وقدوته عمر و العباس (ع)
هذا نبض يسري إبدمانه.. أبو راس الحار يا شيمه ورفعة الراس
هذا نجل داحي الباب .. وبن عم العسكري الماينجاس
إحنة شعب مغوار.. إيد تبني وإيد بيها القلم
