وتظل للدوم تضوي وزهيه
تظل شمعة ومايطفيها الارهاب
وتضوي بغــــــــداد الآبـــيــــه
جميلة وجمالج امدوخ الناس
ومن وصفج القلم طاح امنديه
كل شارع بيج وردة صدكيني
وايصيرن شدة ورد وبكهرمانه المزهريه
شسولف عن الخيته وسوك المخضر
وشارع اصفر السوة مرض بيه
لو ابو نوأس وكازينو العراق
وعلى دجلة انه و حبيبي
نمشــــــي سويــــــه
لو ابو اقلام وشارع الرسامين
وتدني يم فالح ابو العمبة
نفـســـــي الــــدنــــيــه
وشارع العطار وجبار ابو الشربت
ومجمع الكرادة وتكطع كلبي كل حوريه
اشكد الك مشتاك يا شارع هويدي
ومـلتقى الاحبــــه الخطيـته بـيديه
واصلي بعبد الرســـــــــول هناك
وشحلاة الصلاه بورة الحجي بل الحسينية
وبل البوجمعة اتمشه وشارع الاورزدي
وبل المـــــقر انـــــه وصديقي كل مسيه
نمشي انه وياه الســــــبع قــصــــور
ونــكعـــد بســـــاحـــة الحــــــــــرية
وسيد ادريـــــس حــــــامـــــي المدينه
انــــــــــــــزورة ونـــــأدي التــحيــة
وجــــــــــسر المعلق يا جسر المحبة
اليــــربــــــــط الـــــداخل بل الزو يـــة
يــــمــه البــحيــــرة وجــامـعـة بــغــداد
وتـــــرد روحـــــــــــي يمه بل الجادرية
الكرادة زهــــــــرة بوســــط بغـــــــــداد
وتظل لــلــدوم تضـــــــــوي وزهـــــيــــه
