صعب كلش صعب انت ولغز بيك
ولان لغزك صعب محد يحلك
تهت اني وي دربك تعبتني وياك
دليني اعلى دربك خاطر اندلك
جبت ايامي كلهة مراكض وياك
تدك دكة نذل وتكلي شلك
صبرت اني اعلى جرحك صبر ايوب
كل هذا واكلك بعد ما املك
اعتب عالوكت جي حطني وياك
ولان شفت الضوة يخاف من ضلك
ترى دوار الوكت والزمن ناعور
وتاليهة على بابي يجيبك حضك يعلك
جنت انت الظلام واني شمعة نور
ومن شيب القهر اضويلك اشعلك
مقياس الوكت خلي عيونك تصير
حتى تشوف ربعك ياهو اليخلك
لجن هالحضة اكلك كلشي انتهة وياك
لا انت صديقي ولا صرت خلك
لا تكرب بعد ارجوك روح بعيد
مااحبك بعد وغيرة ما اكلــــك
