لانعرف اسمه ولا عنوانه للكاتب لكنه منقول من صدك .حقيقه العراقي الان ومع الاسسف انكول هيجي ...ثوكلا الكم..
بعد ما ريد فيزه ولا لجوء انـــــسان :x
عمت عين الاقامة الدنست صـــــيتي
واشكر كل صديق وكل خوي وكل جار
قــــفل بابه ورفض يـــــقبل عراقيتي
خلف الله عليكم والوكــــــــــت دولاب :cry:
لا بد يوم يـــــــــــنزل بيكم ارضيتي
لان اول امس كل البشر خــــــــــدام :x
جانوا للـــــــــــــــعراق واكلوا ببيتي
جان الضيف عندي مكرم ومهــــيوب
فوگ الراس اشــــــيله وهاي تربيتي
ما داعي اسولف وانا ابو النــــهرين :cry:
ياهو الــما سمع اخــــــــــبار حنيتي
بعد بصــــــمات اديهم والطبع موجود :x
من جانوا جياع بوســط صيـــــنيتي
يـــــا دنــيه حرام ومــنكر ومــــكروه
اذا ابــــن الــــــعراق الــــيوم وطيتي
معـــقوله نسيتي اسم الـــعراق بساع :cry:
لــــــو مثل الــــبشر همّن تــــناسيتي
مــيفيد الحچي ولا تـــنفع الـچـلـمات :x
راجـع يـا وطـن لـترابــك الزيـــــتي
راجـــع يــا حـبـيبة گــلبي يــا بغداد
وادرى بكـــثر ما ونـــيت ونيـــتي
وادري لوحّدج عفناج صار سنين
وادرى من الحزن تابوت سويتي
جيب الاغتراب وحـــطه بالـــتابوت :x
يا غربه الـــــــــــعراق شكثر اذيتي
ما اعيــش ابّحر مالح طـــعم يا ناس
انه بسجن الـــــفرات وفقط حريتي
وترابي ذهـــب والگاع من ياقــوت
ومن ثوب الكرامه البسهه بيريتي
واذا گالوا لترجع والوضع مو زين :cry:
اگول اني الوضع والزين تاليــــتي
وميهمني بعد ليصير خلي يصير
طعم الموت اشرف من هجر بيتي
اموت بوسط خوتي ويا حلاة الموت :cry:
من اجمع اهلــــــنه واكتب وصيتي
وصيتي لو متت لتچفنوني چفان
لفوني بعلمنه وهاي امـــــــنيتي
واذا تردون الي بهالگبر ارتاح
امانة الله دفنوا وياي جنسيتي
امانة الله دفنوا وياي جنسيتي
